OMUDUUMIZI wa Poliisi ye ggwanga Martin Okoth Ochola alagidde mbagirawo okutandika okunonyereza ku muselikale we bidduka avunanyizibwa ku kulwanyisa enguzi mu baselikale banne ASP. Moses Mutabingwa ku bigambibwa nti aliko bwe yakozesa obubi offiisi ye.
Mutabingwa gye buvuddeko yakwasibwa offiisi evunanyizibwa ku kulwanyisa enguzi mu baselikale b’okunguudo oluvanyuma lw’abakulu okukimanya nti enguzi yali esusse ku kkubo.
Nga 25 omwezi gw’omusanvu omwaka guno Ochola yalagira ekitongole kya Poliisi ekivunanyizibwa ku kukwasisa empisa kinonyereze ku Mutabingwa kubigambibwa nti aliko abantu 3 okwali ne Sgt. Idi kalulu be yatulugunya, okubasosola nga akozesa amawanga, kyekubiira saako n’okubayisaamu amaaso.
Ochola mu bbaluwa gyawandiise agambye nti ayagala aba Professional Standards Unity PSU okunonyereza bunnambiro ku nsonga eno oluvanyuma bamuwe alipoota asalewo eky’okukola.
Offiisi Mutabingwa gyakulira yatandikibwawo mu 2014 oluvanyuma lwabagoba ba Takisi okutegeeza Pulezidenti Museveni nti abaselikale baali basusse okubajjako ensimbi mu nkola eye nguzi.
Do you have a story in your community or an opinion to share with us: Email us at editorial@watchdoguganda.com
