Bya Moses Kizito Buule

SABASAJJA Kabaka Ronald Muwenda Mutebi  yatandise ku Ssande okulambula emilimu egikolebwa abantu be mu Ssaza lye ely’eKyaggwe nga welekeddwako Katikiiro Charles Peter Mayiga saako n’abakungu abarala okuva e Mengo.

Omutanda yatuuse mu Ssaza lye lino ku ssawa nnya n’ekitundu wakati mu mizira okuva mu bantu be ababadde bamulindiridde nga bakwatiridde ku makkubo  , wabula kuluno teyavuddemu mu mmotoka ye nga bwatera okukola era nga yagenze buterevu okulambula emirimu egikolebwa abantu be.

Omutanda yasookedde ku kyalo Nabiyangi mu Ggombolola ye Kyampisi gye yalambulidde  omuvubuka omulimi asinga mu ssaza lino Godfery Ssaava Ssebunya  alima obutunda,era ng’akola eky’okunywa ekimanyiddwanga Sena Juice.

Bweyavuddeyo yagenze buterevvu ku mbuga ye ssaza lino esangimbwa ku kyalo Ggulu n’agilambula era n’aggulawo etterekero lye bitabo wamu n’okusimba omuti ogw’ekijjukizo nga wano yatuuseewo ku ssaawa ttaano n’ekitundu  olw’avudde wano yayolekedde essomero lya JessyJonny elisangimbwa ku kyalo Ngandu mu Division ye Mukono ng’alino lye singa mu kukuuma obutonde bwensi  mu Ssaza lino era ng’eno omutanda yatongozza amassanyalaze agakolembwa mu kazambi.

Director wa JessyJonny ng’ayaniriza Ssabasajja ku ssomero lino okugulawo amassanyalaze agakolebwa mu kazambi

Ssabasajja bwe yamaze wano n’ayorekera ekyalo kye Kisoga ku ddwaliro lya Herona health Centre n’aggulawo ekifo we bajjanjjabira amaaso, nga bwe yavudde wano yayorekedde e Ngogwe Bukunja gy’eyalambulidde olusuuku
n’oluvanyuma n’afundikira okulambula kwe e Salama ku ssomero lya bamuzibe ng’eno era aggaddewo olusirika lw’abaami.

Abakulembeze b’ezikiriza n’ennoono nga bakulembeddwa Kabonna Jumba Aligaweesa bakuuba wakati mu kibuga okwaniriza Bbeene.

Oluvanyuma Omuteregga ayolekedde ku mbuga  e Ntenjeru  awali olubiri lwe gya genda okusula era nga we wagenda okubeera entiiko y’emikolo gya bulungi bwansi  ne gavumenti ez’ebitundu.

Bana Kyaggwe ba beyiiye ku makkubo okwanirize Bbeene ku lunguudo lwe Katosi mu kbuga ke Wantoni

Bana Nalungi okuli owa Buganda saako n’owa Kyaggwe ng’abali ne Mukyala Ssewanyana owa Human Rights n’abakungu ba Beene abarala ku ssaza e Kyaggwe

Ssabasajja Kabaka ngali ne Katiikiro wamu n’akulira eseomero lya Jessyjonny e Ngandu oluvanyuma lw’okutongoza amassanyalaze agakoleddwa mu kazambi

Ssabasajja Ronald Muwenda Mutebi , katiikiro Charles Peter Mayiga, ne Amyuka Ssentebe wa Bavubuka mu Buganda Ann Namayanja Kiggudde n’abakulembeze babavubuka abarala ku Mbuga y’essaza mu Kyaggwe.

Comments