BANNAMASAKA bonna bagenda kusula ku ntujjo oluvanyuma lw’okumala entekateeka zonna ez’omukolo gw’okutuuza Omusumba omuggya owe ssaza lye Masaka Msgr. Severus Jjumba.
Msgr. Jjumba yeyafuuka Omusumba we Masaka oluvanyuma lwa Kitaffe mu Katonda John Baptist Kaggwa okuwummula era mukadde waffe Paapa Francis naalonda Msgr. Jjumba okumuddira mu bigere, era nga ono yabadde omuwanika w’eSsaza lino.
BannaMasaka bangi olwaleero nga bakulembeddwamu agenda okufuuka Omusumba Msgr. Jjumba baakedde ku kisaawe kya Kitovu Sports Arena okuyoyoota saako n’okutekateeka zi weema omugenda okutuula abantu abayitirivu abagenda okwetaba ku mukolo guno.
Omukulembeze we Ggwanga Yoweri Kaguta Museveni yasuubirwa okubeera omugenyi omukulu ku mukolo guno ogusuubirwa okubaako abagenyi abangi ennyo okuva mu Uganda n’ebweru.
Omu ku beetabye mu ntekateeka zino Lawrence Kaye alaze essanyu olw’engeri abantu be Masaka gyebenyigidde obutereevu mu ntekateeka, nagamba nti bwe zinawerera essaawa 2 olunaku lwe nkya nga buli muntu ebigere abitambuza abizza Kitovu.
Anyonyodde nti eby’okulya bingi ddala nti era abantu bawaddeyo ente 40 okusobola okugabula abantu ba Katonda abanetaba ku mukolo guno.
Do you have a story in your community or an opinion to share with us: Email us at editorial@watchdoguganda.com
